“የሃይማኖት ነጻነት የሰላም መንገድ ነው” - የቅ.አ.ር.ሊ.ጳ. መልእክት ለዓለም አቀፍ የሰላም ቀን

Category: ዜናዎች Written by Super User Hits: 2023

 

የሃይማኖት ነጻነት የሰላም መንገድ ነው በሚል ርእስ ሥር ቅዱስ አባታችን ር.ሊ.ጳ. ቤኔዲክቶስ 16ኛ 44ኛው ዓለም አቀፍ የሰላም ቀን መልእክት ማስተላለፋቸውን የቅድስት መንበር የዜና እና የኅትመት ክፍል መግለጫ አስታወቀ።
እ.ኤ.አ. ጥር 1 ቀን የሰላም ቀን በመባል በሚታሰብበት ዕለት በየዓመቱ የቅዱስ ጴጥሮስ ተከታይ ቀኑን ምክንያት በማድረግ ዓለም አቀፍ የሰላም መልእክት እንደሚያስተላልፍ የሚታወቅ ሲሆን፣ ቅዱስነታቸው ዘንድሮ ለሚከበረው 44ኛው ዓለም አቀፍ የሰላም ቀን የሃይማኖት ነጻነት የሰላም መንገድ ነው በሚል ርእስ ሥር የሚያስተላልፉት መልእክት ትላንትና በቅድስት መንበር የዜና እና የማኅተም ክፍል የሰላም እና የፍትህ ጳጳሳዊ ምክር ቤተ ሊቀ መንበር ብፁዕ ካርዲላን ቱርክሶን በተገኙበት መድረክ ጋዜጣዊ መግለጫ ተሰጥቶበት ይፋ ሆነዋል።
ቅዱስነታቸው የሰላሙን መልእክት በዓለማችን
ሃይማኖትን መሠረት በማድረግ እየተስፋፋ ያለው ዓመጽ እና አድልዎ ላይ በማተኮር በኢራቅ ጸረ ክርስትያን ዓመጽ በተደጋጋሚ እየተከሰተ የክልሉ ማኅበረ ክርስትያንን ለስደት እያዳረገ መሆኑ ዘክረው፣ በዓለማችን የክርስቶስ ተከታዮች ላይ የሚደርሰው ስደት እና መከራ አሳሳቢ መሆኑ ገልጠው፣ በሃይማኖት ምክንያት ለስደት እና ለመከራ ከተጋለጡት የሃይማኖት ምእመናን ውስጥ በዓለም አቀፍ ደረጃ ሲታይ እጅግ የተጠቃው ክርስትያን ማኅበረሰብ መሆኑንም በማስመር፣ በምዕራቡ ዓለም ሳይቀር ድምጸ አልቦ እና በተራቀቀ አሉታዊ ቅድመ ፍርድ የታጀበ አማኞችን በመቃወም ሥልት አልፎ አልፎ ታሪክ እና የብዙሃን ባህላዊ እና የማንነት መግለጫ የሆነው ጥንታዊ ክርስትያናዊ መለያ ትእምርቶችንም ጭምር በመካድ በአማኞች ላይ የጥላቻ መንፈስ አሉታዊ ቅድመ ፍርድ በማራመድ ከሃይማኖት ነጻ የሆነ መንግሥት በሚል የሐሰት ከለላ ምክንያት በማህብራዊ ነክ ጉዳዮች ሥር ከሚፈጸሙት ኅብረ-ውይይቶች በማግለል ለዘርፈ ብዙ ችግር ተጋልጦ እንደሚገኝ ጠቅሰዋል።
ቅዱስነታቸው በመልእክቱ የሃይማኖች ፅንፈኛነት እና ጥልቅ ዓለማዊነት የመጠናወት ቅንጅት እንዲሁም ለሕጋዊ ኅብራዊነት እና የዓለማዊነትን መሠረታዊ መመሪያ የሚቀናቀን እና እምቢ የሚል መሆኑን በማብራራት፣ ይህ ደግሞ የሰው ልጅ ሰብአዊነትን ዝቅ የሚያደርግ እና በሙላት የማይገልጠውን ራእይ ፍጹም አድርጎ በማቅረብ በሰው ልጅ ላይ የሚያስከትለው ችግር በጣም አደገኛ መሆኑን ገልጠዋል።
የሕግ ሥርዓት በሁሉም ደረጃ እርሱም በብሔራዊ አቀፍም ይሆኑ በዓለም አቀፍ ደረጃ ሃይማኖታዊ ፅንፈኝነት ወይንም ጸረ ሃይማኖት የሆነውን ፅንፈኝነት ሲፈቀድ ወይንም ዝም ብሎ ማየት፣ የሕግ ሥርዓት ያለው ትክክለኛውን ትርጉም እርሱም የሰውን ልጅ መብት እና ፈቃድ ጥበቃ ብሎም ማረጋገጥ የሚለውን ውሳኔ በመጣስ ኅብረተሰብ በማኅበራዊ ሥልጣን ላይ ብቻ በማተኮር የሃይማኖት እና የህሊና ነጻነት የሚገታ ብሎም ለሚደልዛው የፖለቲካው አምባገነናዊ ርእዮተ ዓለም ማጋለጥ ማለት መሆኑ ገልጠዋል። ስለዚህ ምእመናን አንዱ የመሆናቸው ክፍል የሆነው እርሱም በእምነታቸው መሠረት የሚገልጡት እና ይኽንን መሠረት በማኅበራዊ ሕይወታቸው ማጉላት የሚገባቸው ባህርይ እንዲያገሉ ለማስገደድ በላያቸው ላይ የሚፈጸመው በደል ለመገመቱም የሚያዳግት መሆኑ እየታወቅ በገሀድ ግን ሲከሰት ማየቱ እጅግ ያሳዝናል ካሉ በኋላ፣ ሰላምን የተካነ ማኅበራዊ ሕይወት እንዲረጋገጥ የማያግዘው መከፋፈል እና የሰው ልጅ ክብርን የሚሰርዝ እማኔና  የእሴቶች ኅላዌ እና ቅደም ተከታል ሂደታቸውንም ጭምር የሚክድ ተዛማጅ ግብረ ገብ በዓለማችን እየተስፋፋ ነው። ሆኖም ግን መሠረታውያን የመመሪያ ጸጋዎች በእውነተኛ ሃይማኖት የሚገለጡት እሴቶች ከመሆናቸው አንጻር የሕዝብ ሃብት ናቸው። ስለዚህ ከሃይማኖት ነጻ የሆነው አዎንታዊ ዓለማዊነትን የሚያንጸባርቅ መንግሥት መቼም ቢሆን የሃይማኖች ማኅበራዊ ገጽታውን እውቅና መስጠት ይኖርበታል። ይህ ደግሞ በመንግሥት እና በሃይማኖት መካከል ውይይት እና ግኑንኘት ለማረጋገጥ መሠረት ነው ብለዋል። ስለዚህ የሚያምነው በማያምነው በተዘዋዋሪም የማያምነው በሚያምነው ላይ ተጽእኖ ሳይሆን መከባበር የተካነው የተሟላ ማኅበራዊ ውህደተ እንዲኖር የሚያግዝ መሆኑን በስፋት አስረድተዋል።
የሃይማኖት ነጻነት፣ በሰው ልጅ ሰብአዊ ክብር ላይ የጸና ከነገር ባሻገር የሆነ ባህርይ ያለውን ነገር መቼም ቢሆን ቸል ማለት እና ግምት አለመስጠት አይገባም። ስለዚህ ከሰው ልጅ ሰብአዊ መብት እና ፍላጎቶች ዝርዝር ውስጥ የሃይማኖት ነጻነት ልዩ ሥፍራ ያለው ነው። የሃይማኖት ነጻነት ሲጠበቅ እና ሲከበር የሰውብአዊ መብት እና ፈቃድ ከነመሠረቱ በሙላት ይከበራል ማለት ነው። ነገር ግን የሃይማኖት ነጻነት ሲጣስ ፍትህ እና ሰላም ለሥጋት ይጋለጣሉ ብለዋል። ስለዚህ እያንዳንዱ ሰው ሃይማኖቱን በግልም ሆን በማህበር የመኖር እና እምነቱን የመግለጥ መብቱ እና ፈቃዱ የተጠበቀ መሆን አለበት። አንዱ ሃይማኖቱን እንዲክድ ወይን ሃይማኖቱን ትቶ ሌላ ሃይማኖት ባስገዳጅ እንዲከተል እንዲቀበል ማድረግ ጸረ ሰብአዊ መብት እና ፈቃድ ነው ብለዋል። የሃይማኖት ነጻነት የአማኞች ብቸኛ ጸጋ/ሃብት ሳይሆን የመላ ሰው ዘር ቤተሰብ ሃብት ነው፣ ስለዚህ ሕጋዊነት ያለው የሰብአዊ መብት እና ፈቃድ መመዘኛ ነው ብለዋል።
የሃይማኖት ነጻነት ጥበቃ፣ የውሁዳን ሃይማኖት እና ማኅበረሰብ መብት እና ፈቃድ ዋስትና ነው። ብዙሃን የውሁዳን በሁሉም መግለጫው እና ባህላዊ መለያው አማካኝነት አምባገነን እንዳይሆን ይመራል፣ ያሳስባልም፣ ኵላዊት ቤተ ክርስትያን ክርስቶስ ብቸኛ እውነት ሕይወት እና መንገድ መሆኑ ካላት እምነት አኳያ በተለያየ መልኩ ከማንም የሚፈልቅ እውነት ከመንፈስ ቅዱስ የሚመጣ መሆኑን በማመን የተዛማጅ ባህል ሳትከተል ሁሉም እምነቶች እንድ ናቸው ከሚለው ፈተና በመቆጠብ በተለያዩ ሃይማኖትች መካከል መግባባት እንዲኖር የውይይት ባህልን ታነቃቃለች ብለዋል።
በዚህ አጋጣሚ ቅዱስ አባታችን እ.ኤ.አ. በ 1986 በሥመ ጥር ርእሰ ሊቃነ ጳጳሳት የእግዚአብሔር አገልጋይ ዮሓንስ ጳውሎስ ዳግማዊ አነሳሽነት በአሲዚ ከተማ የተጀመረው ዓለም አቅፍ የሰላም ጸሎት ቀን ይኸው በሚመጣው ዓመት 25ኛ ዓመቱ እንደሚዘከር በማስታወስ፣ በዚህ የሁሉም ሃይማኖትች የጋራ የሰላም ጸሎት ተግባር ላይ ሀይማኖች የአንድነት እና የሰላም አስፋፊ እንጂ የልዩነት እና የግጭት ምክንያት አንዳልሆኑ መመስከራቸውን ቅዱስ አባታችን ገልጠዋል።
በመጨረሻም ቅዱስ አባታችን የሁሉም ዓለም መንግሥታት በክርስትያን ላይ የሚፈጸመው ዓመጽ እንዲገታ ኃላፊነት እንዳለባቸው በማስታወስ፣ በእስያ በአፍሪቃ በመካከለኛው ምሥራቅ በተለይ ደግሞ በቅድስት መሬት የሚታየው ስደት እና መከራ ያለመቀባበል እና የጥላቻ መንፈስ እንዲወገድ በማቅረብ፣ ማኅበረ ክርስትያንም በይቅርታ መንፈስ እና በምሕረት ተግባር እንዲተጉ በማሳሰብ የጌታችን ኢየሱስ ክርስቶስ የተራራው ስብከት ተብሎ በሚገለጠው ውስጥ የሚገኙትን ብጹአን የሚያሰኙ ተግባራትን መኖር ይጠበቅበታል ብለዋል። የሚደርስብንን ስቃይ እና መከራ በእምነት እና በተስፋ እንዲሁም የእግዚአብሔርን ፍቅር በመመስከር መነገር አለበት። በምዕራቡ ዓለም በክርስትያን ላይ የሚነዛው የጥላቻ መንፈስ እና የሚገለጠው ተቃውሞ ክርስትያኖች ለእምነታቸው ታማኞች በመሆን በወንጌል ተመርተው የሚኖሩት ኑሮ የሚቀናቀን እና የሚያገል የሚያንቋሽሽ ተግባርም መገታት አለበት፣ በዚህም መልኩ የክርስትያኖች በማኅበራዊ ሕይወት ያላቸው አስተዋጽኦ መከበር ይኖርበታል ብለዋል።
ሰላም የእግዚአብሔር ስጦታ ነው፣ ስለዚህ ሰላም፡ ግጭት እና ጦርነት ያለ መኖር ሁኔታ ወይም የጦር መሣርያ አሊያም የኤኮኖሚ የበላይነት የሚያረጋገጠው ሁኔታ ሳይሆን ር.ሊ.ጳ. ጳውሎስ ስድስተኛ ዓለም አቀፍ የሰላም ቀንን በማወጅ ለሰላም የሰላም መሣሪያ እንዲሰጥ እንጂ ለመግደል እና ለማጥፋት ተብሎ በሚመረተው ጦር መሣሪያ አማካኝነት ሕይወት በማጥፋት ሰላም የሰላም መሣርያ ባልሆነ መሣሪያ ለማረጋገጥ የሚደረገው ጥረት ውድቅ መሆኑን በማመን፣ የግብረ ገብ መሣሪያ ማንገብ ለሰላም የሚደረገው ጥረት መሠረት ነው ያሉትን ሀሳብ በማስታወስ፣ የሃይማኖት ነጻነት ዓለምን የበለጠ የሚያደርግ የሚለውጥ የሚያድስ እውነተኛ የሰላም መሣሪያ ነው ማለታቸውን የቅድስት መንበር መግለጫ አስታወቋል።

ምንጭ:- ቫቲካን ሬድዮ