ብፁዕ ወቅዱስ አቡነ ማቲያስ ፓትሪያሪክ ዘኢትዮጵያ ከር.ሊ.ጳ. ፍራንቼስኮስ ጋር ሊገናኙ ነው

Category: ዜናዎች Written by Super User Hits: 2977

Patriarch Mathias of Ethiopia Romeየኢትዮጵያ ኦርቶዶክስ ተዋሕዶ ቤ/ያኑ ብ.ወ.አ. ማቲያስ ፓትሪያርክ ዘኢትዮጵያ ሰኞ የካቲት 21 ቀን 2008 ዓ.ም. ከር.ሊ.ጳ. ፍራንቼስኮስ ጋር ለመገናኘት ወደ ሮም እንደሚያቀኑ ተገለጸ። ፓትሪያርክ ማቲያስ በዚሁ ጉዟቸው ወቅት በካቶሊካዊት ቤ/ያን የክርስቲያኖች ኅብረት እንቅስቃሴን ከሚያጠናክረው ምክር ቤት ጋር ስብሰባ እንደሚያደርጉና በቫቲካን የሚገኘውን የሐዋርያው ቅዱስ ጴጥሮስ መቃብር እንደሚጎበኙም ታውቋል።
በሮም በሚገኘው የኡርባኒያኑም ኮሌጅ ቤተ ጸሎት ፓትሪያርኩና በሮም የሚገኙ ኢትዮጵያውያን በጋራ ሥርዓተ አምልኮ እንደሚያካሂዱ መርኃ ግብር ወጥቷል።
በኢትዮጵያ ኦርቶዶክስ ተዋሕዶ ቤተ ክርስቲያንና በካቶሊክ ቤ/ያን መካከል ያለው ግንኙነት በጥሩ መልኩ የተጠናከረው በቀድሞው ፓትሪያርክ አቡነ ጳውሎስ ጊዜ ሲሆን እርሳቸው እ.ኤ.አ. በ1993 ዓ.ም. ከር.ሊ.ጳጳሳት ቅ. ዮሐንስ ጳውሎስ ዳግማዊና እ.ኤ.አ. በ2009 ዓ.ም. ደግሞ ከር.ሊ.ጳጳሳት ቤኔዲክቶስ ፲፮ኛው ጋር መገናኘታቸው ይታውሳል።
ምንጭ፡- http://en.radiovaticana.va/news/2016/02/25/ethiopias_orthodox_patriarch_to_meet_with_pope_francis/1211046