ምስጢረ ክህነትና ሢመተ ዲቁና በገዳመ ሲታውያን

Written by Super User on . Posted in ዜናዎች

ጥር 8 ቀን 2003 ዓ.ም. በአዲስ አበባ በሚገኘው በቅዱስ ዮሴፍ ዘሲታውያን ካቶሊክ ቤተ-ክርስቲያን ሁለት የሲታውያን መነኮሳን፤ ማለትም ዲያቆን ሰሎሞን (ተሻለ) ንማኒ ምስጢረ ክህነትን እንዲሁም ወንድም ኃይለገብርኤል (ዓለማየሁ) ነጋሽ ሢመተ ዲቁናን በብፁዕ አባታችን አቡነ ልሳነ-ክርስቶስ ማቴዎስ እጅ ተቀበሉ፡፡

Priestly and Diaconate ordination- Cistercians Ethiopiaበዕለቱ ከጠዋቱ 1፡30 ላይ ብፁዕ አባታችንና ከሃያ አምስት የሚበልጡ ካህናት በታላቅ ሥነ ሥረዓት በመዘምራን ታጅበው ለሢመት በተዘጋጁት መነኮሳን ቤተሰቦችና በብዙ ምእመናን ወደሞላው ቤተክርስቲያን ከገቡ በኋላ መስዋዕተ ቅዳሴው ተጀመረ፡፡ ቅዳሴው በድምቀት እስከ ወንጌል ቀጥሎ ብፁዕ አባታችን ምስጢረ ክህነትንና ሢመተ ዲቁናን ከሰጡ በኋላ ባሰሙት ስብከተ ወንጌል እነዚህ የቤተ-ክርስቲያን ማዕረጋት ለምእመናን ያላቸውን የአገልግሎት ሚና በሰፊው በማስረዳት ለዚህ አገልግሎት የተመረጡ ሰዎች  የእረኝነት ተልእኮአቸውን ከመስዋዕትነቱ ጭምር በጥልቀት ተረድተው ወደ ኋላ ሳይሉ የክርስቶስ ምስክሮች መሆን እንዳለባቸው አስገንዝበዋል፡፡

ብፁዕነታቸው ቀጥሎም ወጣቶች ለጥሪያቸው ተገቢ መልስ መስጠት እንዲችሉ የምእመናን ጸሎትና የወላጆች ክርስቲያናዊ ኩትኮታ ወሳኝ መሆኑንም አሳስበዋል፡፡