ሲታውያን መነኮሳን በኢትዮጵያ

Independent Catholic News - ቅዳሜ ጥቅምት 7 ቀን 2001 ዓ.ም. መንግሥት ጽንስ ማስወረድ የሚመለከተውን የስፔን ሕግ ለማሻሻል ያቀረበውን እቅድ በመቃወም ከአንድ ሚሊየን በላይ የሚሆን ሕዝብ የተቃውሞ ሰልፍ ማድረጉ ተዘገበ።

እ.ኤ.አ. ከ1985 ዓ.ም. ጀምሮ እስካሁን በሥራ ላይ ባለው የስፔን ሕግ መሠረት ተገድዶ በመደፈርና አስጊ የሽል ሁኔታዎች ሲከሠቱ ብቻ ውርጃን የሚፈቅድ ሲሆን፤ አካላዊ ወይም ሥነ ልቦናዊ ጤንነትን የሚያሰጋ ሁኔታ ካለም ስፔናዊት ሴት ርግዝናዋን እንድታቋርጥ ይፈቅዳል። ይህ የሁለተኛውን አማራጭበሚመለከት በተግባር ላይ የዋለው ውርጃ ሲታይ ግን እ.ኤ.አ. በ2007 ዓ.ም. ብቻ 112,000 ጽንስ ማጨናገፍ መከናውኑ ታውቋል።

ራድዮ ቫቲካን - ቅ.አ.ር.ሊ.ጳ. ቤኔዲክቶስ 16ኛ ትናንት እሑድ ከሐዋርያዊ አዳራሽ መስኮት በመንበረ ቅዱስ ጴጥሮስ አደባባይ  ከተሰበሰቡት በብዙ ሺሕ የሚቆጠሩት ምእመናን ጋር የመልአከ እግዚአብሔር ጸሎት ከመድገማቸው በፊት ዕለቱ የስብከተ ወንጌል ተልእኮ ቀን የሚዘከርበት እሁድ መሆኑን አስታውሰው፣ ቤተ ክርስትያን ለመላው ሰው ዘር ወንጌልን መስበክ እንደሚጠበቅባትና ቤተ ክርስትያን የምትኖረው የወንጌል የተስፋ መልእክትን ለማስተላለፈ መሆኑን አሳስበዋል። በቅርቡ በብራዚል የተገደሉት ልኡከ ወንጌል ኣባ ሩቮለቶ እና በፊሊፒንስ የታገቱት አባ ሲኖት በማስታወስም በጸሎት እና በመንፈስ እንደሚዘክሩዋቸው አረጋገጠዋል።