ሲታውያን መነኮሳን በኢትዮጵያ

(ቫቲካን ሬድዮ) -2009-07-08- ከትላትና በስትያ በላቲን ሥርዓት የተከበረው የቅድስት ማሪያ ጎረቲ ዓመታዊ ክብረ በዓል ምክንያት ይህች ሰማዕት ቅድስት በተወለደችበት በኢጣሊያ በላቲና አውራጃ የምትገኘው የፈሪየረ ከተማ ያረገውን መሥዋዕተ ቅዳሴ የመሩት የኢጣሊያ የብፁዓን ጳጳሳት ጉባኤ ዋና ጸሓፊ ብፁዕ አቡነ ማሪያኖ ክሮቻታ ባሰሙት ስብከት “ንጽሕና ድንግልና ክብረ ንጽህና ጉዳይ በተመለከተ ይቅር ለመናገርና ለማሰቡም የማይፈቅድ፣ እነዚህን ነገሮች ማሰብ ኋላ ቀርነትን የሚገልጥ ማለት እንደሆነ በሚያስተምረው ባህል በተስፋፋበት በአሁኑ ዓለም፣ ምንም ትርጉም የሌላቸው ሆነው ከማኅበረሰብ ማኅበራዊ መዝገበ ቃላት ውጭ በመሆን፣ በዚህ የሐሰት ስድና ልቅ ነጻነት የሚሰበክበትና ሁሉም ይኸንን አመለካከት ተግባራዊ ለማድረግ መራወጥ ማለት በኃላፊነት ላይ ያልጸና ነጻነት-ባርነት መኖር ነው፣ የእኔ ሕይወት የግሌ ነው፣ ስለዚህ በግሌ የፈለግኩትን ባደረግ የራሴ ጉዳይ ነው እየተባለ ትሕትናና አወንታዊ አፍረት ተወግዶ ራስን በትክክል መውደድ ከዕለታዊው ኑሮ ውጭ እየሆነ ነው” ብለዋል።

  ቫቲካን ራድዮ - (2009-07-07) - ቅ.አ.ር.ሊ.ጳ. በነዲክቶስ 16ኛ እሁድ ዕለት እኩለ ቀን የመልአከ እግዚአብሔር ጸሎት ከመምራታቸው በፊት እና በኋላ ባስተላለፉት መልእክት በዓለማችን በአመጽና በፍትሕ አልቦነት የሚፈሰው ደም ይቁም ሲሉ ተማጥነዋል።

የክርስቶስ ደም እግዚአብሔር ለሰው ዘር ያለው ታማኝ ፍቅር ዋስትና ነው። በምድራችን በተለያዩ ክፍሎች የሚፈሰው ደም ለሚያሰማው የጩኸት ድምፅ እግዚአብሔር መልስ የሚሰጠው በልጁ ደም ነው።

የመጨረሻ የስቃይ ጩኸት ድምፅ የሰማነው ዛሬ ጠዋት በፊሊፒንስ አገር በኮታባቶ ካተድራል በራፍ በፈነዳውና የብዙ ሰው ሕይወት ባጠፋው የግብረ ሽበራ የጥፋት ድርጊት ሰበብ የተፈጠርው ነው በማለት ስለ አደጋው የተሰማቸውን ጥልቅ ኀዘን ገልጸው የሽበራ ድርጊት የችግር መፍትሔ አለመሆኑን በማረጋገጥ በአጽንኦት የአምጹን ተግባር ኮንነዋል።