በአባ ፍስሐ ገብረ አምላክ አማልጅነት ከእግዚአብሔር ጸጋን ለመለመን የሚደረግ ጸሎት

አባ ፍስሐን ብፁዕ ለማለት በቤ/ያን የሚያስፈልገው ቅድመ ጥናት የተጠናቀቀ ሲሆን፤ በርሳቸው አማላጅነት ከእግዚአብሔር ተአምር ማግኘት ከተቻለ በይፋ ብፁዕ ይባላሉ ለዚህም ያግዝ ዘንድ በቤተ ክርስቲያን ፈቃድ በአማላጅነታቸው ጸጋ ለማግኘት የሚደረገው ጸሎት አነሆ:-

እግዚአብሔር አብ ሆይ! የምሕረትህን ብዛት በቅዱሳንህ የገልጽህ፤ ለአገራችን የሚሆን ካቶሊካዊ ምንኩስናን በአባ ፍስሐ የጀመርክ፤ ቅድስናቸውን ግለጽልን በአማላጅነታቸውም የሚያስፈልገንን ጸጋ ስጠን።
በሰማይ የምትኖር፣ ጸጋ የሞላሽ፣ ምስጋና…

እግዚአብሔር ወልድ ሆይ! እውነተኛ ብፅዕና በተአዝዞ፣ በትሕትና እና በድህነት እንደሚገኝ ያስተማርክ፤ የአባ ፍስሐን ቅድስና ግለጽልን በአማላጅነታቸውም የሚያስፈልገንን ጸጋ ስጠን።
በሰማይ የምትኖር፣ ጸጋ የሞላሽ፣ ምስጋና…

እግዚአብሔር መንፈስ ቅዱስ ሆይ! በአባ ፍስሐ ልብ የአምላክንና የሰውን ፍቅር ያሳደርክ፤ እኛም አብነታቸውን ተከትለን እርሳቸውን እንድንመስል አድርገን ቅድስናቸውን ግለጽልን በአማላጅነታቸውም የሚያስፈልገንን ጸጋ ስጠን።
በሰማይ የምትኖር፣ ጸጋ የሞላሽ፣ ምስጋና…